رحلة الغردقة 19،20/2 /2010 و حكاية السمكتين والمفاجأة الحلوة

يخصص هذا المنتدى للإعلان عن نتيجة رحلات السادة الأعضاء...يتم عرض تاريخ الرحلة...انواع الأسماك المتوفرة...أكبر سمكة...ألخ
لا يتم الإعلان عن الرحلات فى هذا القسم

المشرف: مشرفين

سامى داود
مراقب منتدى
مشاركات: 1231
اشترك في: الجمعة يونيو 23, 2006 5:19 pm

رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة سامى داود » الأحد مارس 14, 2010 10:53 pm

بعد أخر رحلة لى لحماطة شهر نوفمبر السنة الماضية طلعت كام طلعة الغردقة و رأس العيش، فيه رحلات كانت موفقة و أخرى غير موفقة ولكن نظرا لأنشغالى فلم أكتب عنهم. ديه أخر رحلة فى شهر 2 ومعلهش متأخر شوية.
المهم الرحلة دى الاستاذ / تامر سرحان وهو عضو بالمنتدى أتصل بى فى شهر يناير و قالى لى أنا حجزت رحلة مع الريس سعيد فى شهر فبراير قبل المسابقة و عايزك تطلع معايا، طبعا انا ما كنتش مظبط رحلات فقلت له ماشى، وهو حكالى عن الريس ده و انه ريس شاطر وبيحاول يحجز معاه من فترة و ربنا سهل.
المركب اسمها سى ماستر بتطلع من نادى الرياضات و الكاورتة بتاعتها كبيرة جدا و لكن على حساب الصالون و الغرف, و النظافة مش قوى.
الريس سعيد هو ريس المركب ومعاه 2 بحرية
اعضاء الرحلة:
أ/تامر سرحان (منظم الرحلة)
أ/مصطفى
أ/حمدى
أ/معتز
أ/عز (أول مرة يطلع بحر)
العبد لله
بالنسبة للصحبة فهى صحبة جميلة و كانت رحلة ممتعة جدا جدا أما بالنسبة للسمك ماكنش فيه و لكن فيها سمكتين !!!! طبعا هاشرح الموضوع :D :D
يومين الرحلة الجو كان حلو جدا و كانوا جايين بعد كام يوم جو سيئ و لكن السمك ماكنش واكل.
فى خلال اليومين لم نصطاد أى سمكة جر و ديه أول مرة فى حياتى أنى أجر فى الغردقة و ماجبش سمك، ولا سمكة .فى أسوء الرحلات كنا بنطلع 3 أو 4 سمكات جر لكن ولا سمكة !!!!!!!!!!!!! :twisted: :twisted:
جربت كل حاجة جميع انواع واشكال الربلات و الاعماق و التشكيلات، لعفة حية على سبح، لعفة حية على البوص بسبح خفيفة، لكن ربنا مارادش.
المهم أول يوم بعد الجر طول النهار و ولا سمكة قلت للريس انى عايزه يطرح فوق مركب غرقانة غزر 80 متر أنا عارفها و اتضح انه عارف الطرحة . هى المنطقه ديه فيها مرجان و بيخش فيها حصنة وسمك كبير بس مش كتير و الصيد فيها بيكون كويس لما يكون المد مع الريح علشان نطرح فوق المركب بالظبط و منشوطش.
المهم الراجل طرح وبدأنا نسقط كل المرجان اللى طالع صغير و قليل جدا والمشوار فى الطلوع و النزول متعب 80 متر و الشمس بدأت تغيب و الحصيلة قليلة جدا حتى ماتأكلناش.
كنت بأستخدم بوصة جرافيت 6-12 لبرة و ماكنة بانكس عليها خيط بريديد 270 متر و الرمال خيط إيجوانا 60 و حاطط سن صغير من النوع circular hook علشان المرجان الصغير ولكعت مرجانية صغيرة و طالع بيها وفى نص السكة و هووووووووووووب و لاقى المكنة بتزن بدون توقف و الحمد لله أنى طبعا دايما بظبط فرامل المكن بتاعى سيان spinning أو Trolling أو jigging قبل ما انزله الميه.
المهم الزن توقف و الاقى حصان بينط فوق الميه فعرفت انه ضرب على المرجانية الصغيرة اللى كنت طالع بيها بس كل همى فى السن الصغير والخيط ال 60 ، المهم السمكة قعدت تيجى يمين وشمال و تنط و تاخد خيط و ان قاعد اسايسها علشان خايف تفرغ بعد 10 دقائق من المتعة بالنسبة لى جيبتها عند حافة المركب علشان الريس يوجلها و لقيته بيمد ايده على الخيط البريديد يمسكه ، يا عم الريس ما تمدش ايدك علشان انت هتتعور و السمكة هتروح أن هاجيبهالك لحد عندك ، جه يوجل و فعلا السمكة لفت و خديت خيط تانى ، يعنى لو كان مسك الخيط كانت السمكة بالسلامة و الحمد لله و جلها فى المرة التانية و شرفت على الكاورتة حصان 5 كجم.
ده مش أكبر حصان جبتها بس ملابسات صيدها بعدة خفيفة كانت ممتعة جدا.
ديه السمكة الاولى . دقيقة أخد نفسى من كتر الكلام ، قصدى من كتر الكتابة. :lol: :lol:
الدنيا ضلمت والمرجان الصغير برضة بيطلع و لكن بدأ السمك يقل و شوية والسمك منع تماما، ينهار أبيض يبقى لا جر و لا تسقيط.
طبعا انا كان همى الناس، أى نعم سمكة الحصان فرحتنا بعد ما كانت قاطعة ميه و كهرباء لكن برضه سمكة واحدة.
كنت عامل حسابى فى كام طوبة ، سجل يا عم الريس، البحرى عمل سجلة و انتظرنا شوية برضه سمكة تطلع كل فين و فين.
قلت يمكن فيه وحش، جبت شروي و سيختها وحطيتها فى مكنة الترولينج ووشحتها و بعد 40 متر رحت حاطط زجاجة بلاستيك علشان الهواء يخدها و أقدر أمسح بيها منطقة كبيرة، المهم رميت الزجاجة و يدوبك بطول و لقيت الخيط بيطير من على مكنة الترولنج رحت قافل المكنة بس لقيت الخيط رخى ، طب بيتهيألى ، لقيت حد بيقولى ده الزجاجة غطست و طلعت تانى، قلت يبقى ضرب عليها حاجة ، لقيت الريس بيقولى سيبها هترجع لها تانى، بس انا جه فى بالى ان العسه ديه جامدة وممكن اللعفة تكون اتفرمت، أنا الم أحسن و أطمن على اللعفة، و يدوبك أول لفة فى المكنة و ألاقى البوصة عملت 8 و مكنة الترولنج بتزن و مابتقفش . أنا معايا حتة كبيرة يا جماعة حد يجيبلى حزام الترولينج بتاعى ، محدش عرف يجيبة المهم مصطفى لحقنى بحزام بس صغير علي ، فحطه حوالين وسطى ومسكة وبدأت أتعامل مع السمكة و طبعا الدنيا ضلمة وانا واقف ورا شوية الريس هو اللى قاعد على الطرف و شايف ايه اللى طالع و بعد فترةمن الصراع قربت السمكة و لقيته بيقول صلى ده عجام كبير قوى ميقلش عن 18 ل 20 كجم ووجل العجام (و طبعا بعد ما أكدت عليه ما يلفش الخيط على ايدة و لو السمكة أخدت يسيب الخيط) و وزناه و طلع عجام 16 كجم و طبعا فرحة من الشباب، ثانى سمكة كبيرة تطلع يا مسهل.
السمكة ديه مش أكبر سمكة جبتها لكن أكبر عجام أصطدته و طبعا كانت متعة.
و هما دول السمكتين.
تانى يوم جر مافيش ، و بالليل الصراحة الريس طرح طرحة حلوة لكن السمك قليل و مش واكل يعنى شوية محاسن وشرياف على كام كشر و شوية أبو شرارة و مرجان أبو أتب و سحلة و حبرية يعنى شوية سمك صغييرين.
المفاجأة الحلوة:
اليوم التالت الصبح الريس رجع نادى الرياضات البحرية و هو بيرجع بضهرة على المارينا لقيت حد بينده عليا، الصوت ده انا حافظة ،هى ديه المفاجأه الجميلة أستاذنا و حبيبى سيف خيرى ،كان فى نادى الرياضات بيجهز نفسه علشان يطلع الجونة علشان بطولة العالم، أنا بقالى كتير ما قبلتوش و طبعا بعد السلامات و الاحضان حكيتله أن السمكة مش واكلة و الجر صفر و طبعا بقلة الكلام ده و انا مكسوف ، الراجل طالع بطولة عالم للجر و أنا بأقولة سمكة الجريرة مش واكلها، يعنى كنت حاسس انى فقرى جدا، لكن الحمد لله السمكة أكلت وربنا أكرمه بالمراكز المتقدمة و الحمد لله.
طبعا الصور و الفيديو مع أعضاء الرحلة لو جبتههم هنزلهم أو هما ينزلوهم و لكن فيه كام صورة معايا
و أسف على الاطالة و الرغى

الحصان

Picture 022.jpg


العجام
Picture 016.jpg

Picture 019.jpg


جزء من الحصيلة
Picture 023.jpg

Picture 027.jpg
ليس لديك الصلاحية لمشاهدة المرفقات
سامى داود

صورة العضو الشخصية
samehfd
مشاركات: 2554
اشترك في: الأحد أكتوبر 04, 2009 7:05 pm
مكان: عروس البحر - الأسكندريه
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة samehfd » الأحد مارس 14, 2010 10:55 pm

بسم الله ما شاء الله ربنا يزيد ويبارك
إنه لفخر للمرء أن يكون محامياً ليبقى مستقلاً لا ينتظر من السلطة شيئاً ، وأن يتكلم بصوت عالٍ دون أن يقصر في قول كلمة الحق ، وألا ينتظر شيئاً إلا من ذاته

حاسبوا انفسكم قبل ان تحاسبوا وزنوا انفسكم قبل ان توزنوا فاليوم عمل بلا حساب وغدا حساب بلا عمل
فريق شط إسكندريه سامح فؤاد

صورة العضو الشخصية
gjoyadib
مشاركات: 1640
اشترك في: الاثنين أكتوبر 27, 2008 4:43 pm

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة gjoyadib » الأحد مارس 14, 2010 11:15 pm

حمدلله على السلامه يا سامى بك
وتتعوض يا ريس
جورج يونان
المحبة ليست كلمة ولكنها فعل ( فمن ثمارهم تعرفونهم)..دعونا ننشر المحبة فى كل مكان
محبة المال اصل كل الشرور.اذا ابتغاه قوم ضلوا عن الإيمان وطعنوا انفسهم بأوجاع كثيرة




صورة
تعالوا شوفوا اعضاء المنتدي الجميل ... صحبه ومتجمعه علي ضفافك يا نيل


صورة

صورة العضو الشخصية
Sheko4Ever
مشاركات: 865
اشترك في: الأحد أكتوبر 25, 2009 1:16 am
مكان: الجيزه - هرم
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة Sheko4Ever » الأحد مارس 14, 2010 11:34 pm

بسم الله ما شاء الله
طلعة جميله والله والحمد لله على كل شئ
وشكلها جميل اوى سمكة الحصان دى
الف هنا وشفا يا باشا وحظ اوفر المرات القادمه
نصيحة من صياد :
حس بالسمكه بعقلك واوعى تفتكر ان الصيد عضلات
ولما تقع منك السمكه اعرف انك غلطت ومش من نصيبك

صورة العضو الشخصية
egy1
مشاركات: 470
اشترك في: الجمعة مايو 05, 2006 7:02 am
مكان: CAIRO
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة egy1 » الاثنين مارس 15, 2010 1:10 am

يا سمسم ياجامد
بتذاكر لوحدك ماشى ياعم الله يسهللك
وَلاَ تَمْشِ فِي الأَرْضِ مَرَحاً
إِنَّكَ لَن تَخْرِقَ الأَرْضَ وَلَن تَبْلُغَ الْجِبَالَ طُولاً


مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ
تمنى ما شئـت لـكـن اتخـــــذ سـببـاً
أكتب ما شئـت لـكن لا تستفز أحــــداُ
إقـــرأ ما شئـت لكن لا تنسى النقد أبداُ
إنتقـد كما شئـت لكـن لا تطعـن أحـداُ

صورة العضو الشخصية
ابو بنسيانا
مشاركات: 725
اشترك في: الثلاثاء فبراير 05, 2008 12:29 pm
مكان: مصرى - مقيم فى قطر
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة ابو بنسيانا » الاثنين مارس 15, 2010 5:30 am

حمد الله على السلامة يا رجالة

والله الرحلة بمدى المتعة الى فيها من صحبة كويسة اهم من السمك مع صحبة تدايقك

وتتعوض المرة الجاية
محمود على ( ابو بنسيانا )
abo.banciana@yahoo.com

كن كالنخيل عن الاحقاد مرتفعا ...... يرمى بصخر فيرمى أطيب الثمر

صورة العضو الشخصية
khaled
مشاركات: 241
اشترك في: الأربعاء مارس 26, 2008 8:49 am

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة khaled » الاثنين مارس 15, 2010 8:14 am

جربت كل حاجة جميع انواع واشكال الربلات و الاعماق و التشكيلات، لعفة حية على سبح، لعفة حية على البوص بسبح خفيفة، لكن ربنا مارادش.


ا/ سامى
حمد لله على السلامة وان شاء الله تتعوض مش معقولة كل رحلة ليك تكون جامدة :lol: احنا ممكن نتعقد
لى سؤال عن اللعف الحى على البوصة بيبقى طول السبحة اد اية - ووزن الرصاص كام كيلو - والرصاصة نفسها بتبقى كام OZ - والمسافة بين الرصاص لأنى بصراحة ماببحبش السبحة اللى على اليد
انا كل مرة بصدعك معايا وشكرا
المسلم للمسلم كالبنيان المرصوص يشد بعضة بعضاً

صورة العضو الشخصية
حسام الصياد
مراقب منتدى
مشاركات: 3695
اشترك في: الأربعاء مايو 30, 2007 2:26 pm
مكان: الإسكندرية
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة حسام الصياد » الاثنين مارس 15, 2010 8:22 am

سامى داود,
الله ينور يا سامي باشا ..أنا اول مابشوفك بقول يبقى حانشوف سمك كبير :shock: :lol:
ورحلة من العيار التقيل ...ربنا يرزقك من فضله يا أمير ..والف هنا وشفا لك وللمجموعة الجميلة
من كان رزقة على الله فلا يحزن
أبو مريم وسارة ( الإسكندرية )


صورةصورة

...................................................... (شعار على ماتفرج تصميم وإهداء من علي البنا )

صورة العضو الشخصية
هانى شتية
مشاركات: 3034
اشترك في: الثلاثاء فبراير 26, 2008 3:51 pm
مكان: المقطم
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة هانى شتية » الاثنين مارس 15, 2010 10:06 am

حبيب قلبى ياسامى ماتعرفش اد ايه بفرح واستمتع بوصفك للرحلة
.



صورة

صورة العضو الشخصية
tmsa7 2lmo7yt
مشاركات: 368
اشترك في: السبت نوفمبر 11, 2006 4:30 pm

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة tmsa7 2lmo7yt » الاثنين مارس 15, 2010 12:17 pm

ماشي يا استاذ سامي
معلش تتعوض المره الجايه
وبجد ماشاء الله على السمكتين الحلوين دول وعلى خبرتك في الصيد
ولو اني حاسس ان مستواك قل من الرحله اياها
:lol:
يعني ناصر كوع وحسن ابو عبد الرحمن اعتزل وتقريباً هشام اتشفر :D
يا ترى مين النحس الي كان في الرحله دي؟؟؟؟؟؟؟

انا مستنيك في رحله تانيه :wink:
ايمن عصمت(ابو التماسيييح)
اذا فقد الصياد شعوره ذهبت منه جميع محاسنه

zedan
مشاركات: 354
اشترك في: الأحد أغسطس 09, 2009 2:16 pm

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة zedan » الاثنين مارس 15, 2010 1:48 pm

مبروك السمك الحلو يا سامي بك ....
عقبال كل رحله
د. احمد زيدان
٠١٢٣١١٩٣٣٥

seif khairy
مشاركات: 5280
اشترك في: الثلاثاء مايو 02, 2006 3:17 pm
مكان: القاهرة-6 اكتوبر

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة seif khairy » الاثنين مارس 15, 2010 2:06 pm

الله ينور يا سمسم
و بعدين بصراحة زى ما قلت لك قبل كده انا تفائلت لما قلت لى ان الجريرة مش واكلة بقالها اسبوع :shock: :shock:
و بصراحه ظنى ماخيبش و الحمد لله طلع وشك زى الفل
بقولك ايه ياريت تجهز لى صورة بالحجم الطبيعى و شريط كاسيت بصوتك علشان نتفرج عليه قبل المسابقة الجاية مش عايز بس اتعبك معايا :lol: :lol:
حبيبى يا سمسم
مع تحياتى
سيف خيرى
عاشق الصيد


صورة


صورة العضو الشخصية
محمد نعيم
مشاركات: 731
اشترك في: الخميس نوفمبر 19, 2009 8:15 pm
مكان: الاسكندرية
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة محمد نعيم » الاثنين مارس 15, 2010 2:48 pm

ما شاء الله طلعة حلوة مش وحشة أوي زي ما حضرتك بتقول و ربنا يكرمكوا المرة الجاية .
محمد نعيم
مهندس ميكانيكا

صورة العضو الشخصية
HOSSAMHOOKMAN
مشاركات: 2728
اشترك في: الأربعاء يوليو 09, 2008 2:43 am
مكان: القاهرة - المعادى
اتصال:

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة HOSSAMHOOKMAN » الاثنين مارس 15, 2010 5:11 pm

بسم الله ما شاء الله
واصف رائع للرحلة :D :D :D :D
و الحمد الله على كل شئ
و ان شاء الله الجاى احسن و احسن
حسام حمدى الجمال

صورة

اهداء من مهندس بشر جزاه الله كل خير

صورة

صورة

صورة العضو الشخصية
SAMER SAMY
مشاركات: 690
اشترك في: الخميس نوفمبر 12, 2009 12:03 pm
مكان: حلوان - القاهرة

Re: رحلة الغردقة 19،20/2 /2010 و حكاية السمكتين والمفاجأة الحلوة

مشاركةبواسطة SAMER SAMY » الاثنين مارس 15, 2010 8:07 pm

الله ينور


العودة إلى “سفاجة - الغردقة”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائر واحد