الصيد فى السويس - السخنة (( منقول ))

يخصص هذا المنتدى للإعلان عن نتيجة رحلات السادة الأعضاء...يتم عرض تاريخ الرحلة...انواع الأسماك المتوفرة...أكبر سمكة...ألخ
لا يتم الإعلان عن الرحلات فى هذا القسم

المشرف: مشرفين

صورة العضو الشخصية
awadeeh
مشاركات: 70
اشترك في: الثلاثاء مارس 09, 2010 4:45 pm

الصيد فى السويس - السخنة (( منقول ))

مشاركةبواسطة awadeeh » الأحد إبريل 25, 2010 9:53 am

بسم الله الرحمن الرحيم (( الموضوع منقول للامانة ))

الاسماك الموجودة : توجد عدة انواع من الاسماك منها الشخرم , الحفارة , النقط , البونجز ( الشعور الضغير ) , الشخرم الصخرى , المكرونة , العيون , الخنزيرة ( البلدى , البلاط تصل احيانا السمكة الى ثلاثة ارباع الكيلو) , الخرمان , الدراك تقريبا دى الانواع المشهورة فى الصيد.
خبرتى فى صيد هذة الانواع :

1 - الشخرم
افضل اوقت صيدها الصباح الباكر أو الغروب وبتكون فى مجموعات , يتم صيدها بالتسقيط بنعتبرها سمكة غبية شوية لأنها بتاكل بسرعة أذكر مرة ان فى رحلة صيد كنا فى منطقة شخرم واللة السمك كان بياكل الطعم قبل ما الرصاصة تلمس الارض موش غبى , افضل سن 8 وممكن 7 والخيط 30 أو 35 والطعم جمبرى بحر مالح

2 - الحفارة
تعتبر من الاسماك التى تحتاج الى حرفة فى الصيد افضل الاوقات فى الصباح الباكر سمكة الحفارة لها طريقة معينة فى الاكل فهى لا تأكل الا أذا كان الطعم يحرك ونايم على الرمل فكنا بنضيف سن بعد الرصاصة وطريقة صيدها باللقاء السنارة حوالى 10 متر ثم جر السنارة ببطء ولابد من الحساسية الشديدة لأنها تأكل ببطء شديد واحيانا كثيرة كنا لا نحس بها ونفاجىء بالسمكة فى الصنارة افضل سن 7 , 6 والخيط 30 أو 35 والطعم جمبرى بحرى

3 - الخنزيرة
من الاسماك ذات الطعم الشهى وخصوصا لما بتتعمل فيلية المهم السمكة دى بتبقى موجودة بجانب الشعب المرجانية بتاكل فى اى وقت المهم اثناء الصيد بجانب الشعب لما تحس ان السمكة شبكت تسحبها لحوالى 1 متر يسرعة جدا لأن السمكة أو ما بتحس انها تم صيدها بتتدخل داخل الشعب المرجانية وتكون النتيجة ان الخيط يتشبك والسمكة ضاعت الخنزيرة سمكة فمها صغير جدا بتحتاج صنارة صغيرة 8 أو 9 والخيط 30 أو 35 والطعم جمبرى بحرى

4 - الدراك
من الاسماك الجميلة فى صيدها سمكة قوية ولديها اسنان حامية جدا وتحتاج الى واير من الحديد مربوط بالسنارة ويتم صيدها على العايم بسمكة باغة أو نقط ويا سلام لو السمكة صاحية بتحتاج صنارة 3 أو اكبر و واير حديد بين الصنارة والخيط والخيط 90 أو 100

عدة الصيد


الكثير من الأخوة يسأل عن عدة الصيد هديكم خبرتى فى الصيد فى البحر الاحمر المهم أنك تبقى معاك عدة كاملة علشان متجيش سمكة متكنش انت موش مستعد ليها فية مرة كنا فى رحلة صيد وجت سمكة دراك واقعدن تلف حوالين اللنش وكان اى واحد يصطاد سمكة كانت بتكلها قبل ما يطلعها من المية المهم دى العدة بتاعتى ويا رب اكون أفدتكم :

1 - البوصة
طول البوصة يختلف عند الصيد من على لنش الطول غير مهم بوصة 3 متر هتبقى زى الفل طبعا لو هتصطاد من على البر هتحتاج واحدة اطول بالنسبة للانواع فية انواع كتير بس الافضل عن تجربة الانواع الصب يعنى البوصة من جوة موش مجوفة وعادة بتكون جزئين بيركبوا فى بعض

2- البكرات
ليها انواع كتيرة واسعار مختلفة من او 30 جنية بس ابعد عن الصينى المكنة بيكون مكتوب عليها عدد رمان البلى وحجم الخيط سواء 30 , 35 , 40 وأكبر كمية من الخيط ممكن تلفها عليها

3 - الخيوط
من الافضل أن تكون لديك مجموعة بكرات من مختلف الاحجام تبتدى 30 , 45 , 60 , 90 , 120 الخيوط الكبيرة 90 , 120 بتحتاج لبكرة لف بتتباع فى محلات الصيد وأبعد عن قطعة الخشب ( الحداف ) لأنة مع الوقت بيكسر الخيط ويضعفة ومحتاج لويرات حديد بتتباع جاهزة فى المحلات ملحوظة مهمة فى الخيط أغلب الانواع مصرى ومكتوب عيها يابانى واللة الكلام دة من صاحب محل صحبى افضل خيط موجود حاليا الالمانى البكرة بتكون من 95 الى 100 متر والمهم انك تعرف قوة الخيط بيكون مكتوب على البكرة الانواع العادية الخيط 30 مثلا العادى مكتوب أن اقصى حمولة للخيط 7.5 كيلو والالمانى 10.75 كيلو طبعا الالمانى احسن وسعر البكرة ال 30 حوالى 5 جنية وال 45 حوالى 6 جنية و 60 حوالى 8 جنية و90 حوالى 9 جنية

4 - السنون
السنون لها انواع كثيرة بس الافضل النرويجى هتحتاج سنون 9 , 8 , 7 , 6 , 5 , 3 وطبعا مجموعة من السنون الكبيرة سعر العلبة من حوالى 8 الى 9 جنية يوجد بها 100 سن

5 - الرصاص
الرصاص يتباع بالكيلو وطبعا بتجيب تشكيلة سواء صغير كبير بلحة ورق او بلى

6 - لبارة
دى عبارة عن سمكة صناعية فى اخرها مجموعة من السنون تستخدم لصيد السبيا والكالمرى

طبعا هتحتاج شنطة للعدة بتتباع فى محلات الصيد وهتحتاج قصافة كهرباء علشان تقطع بيها الخيط وقطع من الفل تضع فيها الصنانير المترملة

صورة العضو الشخصية
FARES A1
مشاركات: 1060
اشترك في: الجمعة مارس 06, 2009 2:29 pm
مكان: مدينة نصر - القاهرة
اتصال:

Re: الصيد فى السويس - السخنة (( منقول ))

مشاركةبواسطة FARES A1 » الأحد إبريل 25, 2010 10:37 am

صورة
استاذ awadeeh
معلومات مفيدة للصيد في المالح و على الأخص خط العين السخنة الزعفرانة ؛ و ذلك بالنسبة للتسقيط أما الجر فأين هو :?: :!: ؛ على كل حال شكرًا جزيًلا لكم ؛ مع خالص تحياتى لكم ###

رضيت بالله رباً ؛ بالإسلام ديناً و بمحمد صلى الله عليه و سلم نبياً و رسولاً و بالقرآن المجيد منهجاً و دستوراً ###
صورة
التوقيع إهداء من حبيبي في الله الأستاذ / رضا حسن الفنان الراقي الشهير بــ أبو كيشو ### @ R.H.

صورة العضو الشخصية
awadeeh
مشاركات: 70
اشترك في: الثلاثاء مارس 09, 2010 4:45 pm

Re: الصيد فى السويس - السخنة (( منقول ))

مشاركةبواسطة awadeeh » الأحد إبريل 25, 2010 10:53 am

شكرا على مشاركتك يا استاذ FARES A1 انشاء الله اقدر اوفر معلومات عن الجر بس حسب معرفتى المحدودة انت الجر بقى بسيط خصوصا من خط السويس الى السخنة ممكن فى الزعفرانة

صورة العضو الشخصية
HOSSAMHOOKMAN
مشاركات: 2728
اشترك في: الأربعاء يوليو 09, 2008 2:43 am
مكان: القاهرة - المعادى
اتصال:

Re: الصيد فى السويس - السخنة (( منقول ))

مشاركةبواسطة HOSSAMHOOKMAN » الأحد إبريل 25, 2010 11:11 am

awadeeh كتب:البلاط تصل احيانا السمكة الى ثلاثة ارباع الكيلو


البلاط بيعدى التلات تربع :D
فى بلاط هنا فى المنتدى معدى ال تلاتة كيلو
حسام حمدى الجمال

صورة

اهداء من مهندس بشر جزاه الله كل خير

صورة

صورة

سامى داود
مراقب منتدى
مشاركات: 1228
اشترك في: الجمعة يونيو 23, 2006 5:19 pm

Re: الصيد فى السويس - السخنة (( منقول ))

مشاركةبواسطة سامى داود » الاثنين إبريل 26, 2010 4:39 pm

أ/awadeeh فعلا البلاط ممكن يكبر الى 3 كجم مش 3/4 كجم زى أ/ حسام ما قال و ان صايد منه 2.5 و 3 كجم قبل كدة . و شكرا
سامى داود

محمد الحلوانى
مشاركات: 74
اشترك في: الأحد فبراير 21, 2010 12:35 pm
مكان: حلوان
اتصال:

Re: الصيد فى السويس - السخنة (( منقول ))

مشاركةبواسطة محمد الحلوانى » الاثنين إبريل 26, 2010 9:53 pm

الله يبارك لك يا كبير وتشكر على دروسك المفيدة وكرمك

صورة العضو الشخصية
mwazery
مشاركات: 3
اشترك في: الثلاثاء إبريل 27, 2010 11:27 am

Re: الصيد فى السويس - السخنة (( منقول ))

مشاركةبواسطة mwazery » الثلاثاء إبريل 27, 2010 12:26 pm

بالنسبة للبلاط ما هى أفضل طريقة لصيدها
وشكراً

صورة العضو الشخصية
awadeeh
مشاركات: 70
اشترك في: الثلاثاء مارس 09, 2010 4:45 pm

Re: الصيد فى السويس - السخنة (( منقول ))

مشاركةبواسطة awadeeh » الخميس إبريل 29, 2010 8:11 am

استاذ mwazery شكرا للمشاركة
البلاط زيها زى اى سمكة بس بتفرق و هى طالعا من المية بتعرض فى البحر و فمها ضعيف جدا يعى و انت بطلعها براحة و تكون مجهز كبشة او ملقاف علشان ممكن تقطع و تروح منك و انت بطلعها و افضل طعم اكلت علية معايا هوا السبيط

صورة العضو الشخصية
mwazery
مشاركات: 3
اشترك في: الثلاثاء إبريل 27, 2010 11:27 am

Re: الصيد فى السويس - السخنة (( منقول ))

مشاركةبواسطة mwazery » الأحد مايو 02, 2010 8:45 am

شكراً يا مان أصل أنا كنت بطعم جمبرى ومكنتش بحس ابداً بيها وهيا بتاكل لكن السبيط أكيد أحسن طبعاً

AboFarida
مشاركات: 1
اشترك في: الثلاثاء يونيو 01, 2010 6:49 pm

Re: الصيد فى السويس - السخنة (( منقول ))

مشاركةبواسطة AboFarida » الثلاثاء يونيو 01, 2010 8:04 pm

موضوعك شامل وجميل جدا

صورة العضو الشخصية
mahmoudsaid
مشاركات: 90
اشترك في: السبت أغسطس 21, 2010 10:40 pm

Re: الصيد فى السويس - السخنة (( منقول ))

مشاركةبواسطة mahmoudsaid » الأربعاء أغسطس 25, 2010 9:20 pm

يا برنس الاسعار دة حلوة منين بتشتري السنون والخيوط؟
ارجو عنوان المحل و رقم التليفون ان امكن !!!!!!!
ولك جزيل الشكر علي المجهود الكبير..................................ز
اللهم يا رب كل شيء اغفر لنا كل شيء حتي لا تسألنا عن شيء

صورة العضو الشخصية
mohsen koshe
مشاركات: 100
اشترك في: الجمعة يوليو 31, 2009 7:02 pm
مكان: الهرم
اتصال:

Re: الصيد فى السويس - السخنة (( منقول ))

مشاركةبواسطة mohsen koshe » الجمعة أغسطس 27, 2010 2:24 pm

شكرا و تسلم ايدك


العودة إلى “العين السخنة - الزعفرانة - الجزائر - العزيزية”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين وزائران