السلام عليكم ورحمة الله وبركاته
في بحيرة في رشيد انا كنت اصطاد فيها بلطي وفيها شغل حلو اوي ومرة وانا هناك صياد قلي ان البحيرة دي فيها قاروص وبوري باحجام مهولة انا بصراحة مصدقتوش وقولت لو في الكلام دا ليه مش بيرمي عليهم
انا قلت الكلام دا لصحبي قلي حجرب ووصفتلو المكان طلع هناك من اسبوعين وكان جي فعلا بحصيلة ممتازة من القاروص والبوري وكمان بلطي ورعاش حصبلة ممتازة تعدي 15 كيلو او اكتر كمان وانا بصراحة عايز اطلع اجرب هوة كان هناك الساعة 8 بليل وقعد يزفر لغاية 10 وبتدى يشتغل لغاية تاني يوم الساعة 12 تعب ورجع هوة ولي معاه وكانت شغالة لسة بس همة زهقو من السمك ومعرفوش يحطو السمك فين
انا عايز اطلع اجرب بس معيش عربية لو في حد معاه عربية ممكن ننظم يوم ونطلع وانا جاهز في اي يوم انشاء الله
ملاحظة القاروص اصطادوه بالتناوب لان كان في مكنة وحدة بس والصبح بالتجرية بربلة وزن القاروصة بس الي كانت معاه 3 كيلو وواحد منهم معاه قاروصة 4.5 وواحد تاني مطلع بوري سمكاية وحدة 7 كيلو عالعموم الي يحب يطلع نجهز طلعة ودي نمرة تليفوني 0121279759

بس الي انا عايز اعرفه من خبراء المنتدى ازاي بحيرة وفيها قاروص انا عارف ان القروص مالح

بورى الوحده 7 كيلو و قاروص 4.5 كيلو , طيب حضرتك ممكن نشوف صور لو موجوده؟ اصل انا روحت الحتت الى حضرتك بتكلم عليها و فعلا فى قاروص بس مش بالكميه ديه و لا الاحجام ديه فكان نفسى اشوف الاحجام يمكن اغير رائى

اعتقد ان البحيره المقصوده هيه بحيره ادكو و البحيره دي البغاز بتعها الي بيصلها بالبحر في منطقه المعديه و ميتها فيها نسبه ملوحه بس هيه مبتوصلش لغايه رشيد هيه بتنتهي قبل رشيد ب 15 كيلو و القاروص عادي انه يكون موجود فيها بس مش في كل البحيره هيكون في البغاز و الاماكن الي قريبه من البغاز بتاع البحر يعني في المعديه و علي فكره هناك في اماكن في المعديه بالذات التلوث فيها عالي عشان مراكب الصيد و المخلفات بتعتها طبعا المعلومات دي لاني كتير انا و اخويا كنا نروح نشتري بلطي من هناك و علي فكره طعم السمك بتعها روعه و لونه ابيض و مجربتش اصطاد هناك بصراحه عشان مليش في صيد البلطي ده طبعا الا اذا كنت تقصد بحيره تنيه الي ممكن تكون بحيره البرلس و دي بعد رشيد بمسافه اقرب نقطه 10 كيلو بس البغاز علي بعد 60 كيلو ودي فعلاْ فيها اسماك متنوعه و اسدق الاحجام الي انتا بتتكلم فيها بس قريب من البغاز اتمني اني اكون افدتكم

ملك العذب لا يعم انا مش مصدق اني ممكن اطلع مع كبير العذب انا ليا الشرف يا باشا اكون معاك وانا عارف المكان كويس هناك وانشاء الله اتصل بيك يوم الجمعة ونتفق بصراحة انا مشكور جدا باهتمامك للموضوع دا

باشا البحيرة دي داخل رشيد جوة الاراضي الزراعية يعني حتخش تقريبا 2 كيلو او اكتر جوة الاراضي دي وهية مكان جميل جدا والهوا فيه حكاية ومعتقدش ان في اي نوع تلوث في المنطقة دي لان مرة طلعنا من هناك قرموط تقريبا كيلو وطلع معانا صدفة مش رميين عليه وكان لونه ابيض دا يدل ان المكان دا مفيهوش صرف بس فعلا انا اسمع ان المعدية ملوثة حتى مبقاش فيها سمك زي زمان

مكن حضرتك ترفع صورة لجوجل إيرث لهذه المنطقة مشكوراً ؟؟

جوا الارض الزراعبه طيب يبقي الوصول لها أزاي يا تري ؟ يعني العربيه تتساب و بعدين مشي ؟
لو اتفقتم علي يوم يا تري ممكن تحددوه علشا اشوف ظروفي .... انا من بنها فعلي الطريق و ممكن أجي مع اي حد جي من القاهره طبعا ده لو فيه مكان...و يا تري ايه الطعم و بيتجاب منين ؟

علاء
شكرا

متابع باهتمام...

بحيرة في رشيد غريبة جدا

الاخ الكريم ehaboof لو امكن توصف لنا المكان وتاخد فينا ثواب ولانى بنزل بلطيم ولسة المكان دة مشتغلش اوى فيا ريت توضح المكان فين بالظبط ولك جزيل الشكرررر