قاروس و لوت جمصة متعة الصيد بالصور

المشرف: مشرفين

صورة العضو الشخصية
waleedmoawad
مشاركات: 651
اشترك في: الاثنين مايو 07, 2007 6:15 am
مكان: القناطر الخيرية
اتصال:

قاروس و لوت جمصة متعة الصيد بالصور

مشاركةبواسطة waleedmoawad » السبت أغسطس 01, 2009 12:05 pm

بسم الله والصلاة و السلام على رسول الله
اما بعد

هكلمكم اليوم عن رحلة كانت في الاساس مصيف وقلبت معايا بصيد
تحركت يوم الخميس الموافق 23/7/2009 وكانت النية في البداية التوجه إلى بلطيم لقضاء 4 ايام مصيف وصيد لكن بعد وصولنا لبلطيم وجدنا مستوى السكن هناك متدني جدا وبأسعار باهظة جدا جدا والزحام على اخرة والبلد صغيرة ...بصراحة ملقيناش هناك الراحة النفسية المنتظرة
فقررنا العودة إلى مصيفنا المفضل جمصة وجدنا الشقق اسعارها جيدة و مستواها ممتاز
وهذا عن تجربة سابقة ....المهم ومنعا للتطويل اليوم الثاني توجهت لمنطقة اللسان وهي بداية شاطئ جمصة ويكون فيها إلتقاء مياة النيل العذبة بمياة البحر المتوسط
وجدت المكان فاضي مفهوش ولا بني ادم واحد أسئله على الصيد والطعوم وكان معايا جمبري فقلت اجرب
ولا أي حاجة طيب غمزة واحدة توحد الله مفيش بس كنت شايف الاسماك بتتنطط في المية وبقيت هفرقع من الغيظ السمك مالي المية ومش عايز ياكل جمبري ....دي حاجة تغيظ
المهم وانا ماشي لقيت اتنين بيصتادو ام الخلول سألتهم عن الطعم المستخدم فقالي واحد فيهم الجمبري الصاحي ودة توصي علية قبلها بيوم أي مركب نازل صيد وتجيبله جردل وماتور هواء او تنزل تشترية من دمياط ...لقيت الموضوع كبير
لقيتهم بينقوا ام الخلول و الجاندوفلي الاسود وبيرموا أي حاجة تطلع معاهم فسألتهم على المحار إللي بيرموة فقالولي إن إسمة بكلويز طري ودة مالهوش سوق ومابيتاكلش فإسأذنتهم وخدته ورحت قعدت اصتاد في نفس المكان ورميت و يادوب السن لمس المية لقيتها بتشد جامد جدا مبقيتش مصدق عيني المهم ضربت عليها لقيت معايا سمكة مكنتش اعرف نوعها بس رفت بعد كدة إنها لوت المهم جمعت عليها وعومتها ولقيتها ماشاء الله سمكة تعدي ال3 كيلو او اكتر المهم السلك اتحشر في الصخر حاولت اسلكة راحت رجلي محشورة بين الحجارة والسمكة قطعت السلك ببص على رجلي لقيتها غرقانة دم غسلتها في المية لقيت فيها جرحين
جامدين جدا محتاجين خياطة المهم كان معايا رباط ضاغط في الشنطة بالصدفة .... رحت رابطها واستنيت لغاية ما النزيف وقف ورحت رامي كمان رمية السنارة غمزت رحت ضارب عليها لقيت سمكة معايا طلعتها وسألت واحد من صيادين الشبك قالي دي لوت خدتها عرفت ساعتها إن إللي راحت كانت لوتة برضو و روحت بسرعة علشان اطهر الجرح.
ودي صورة لسمكة اللوت الاولى

صورة

وتاني يوم نزلت وإصتد بنفس الطريقة بتاعة اليوم إللي قبله وكانت النتائج والحمد لله مرضية بالنسبة لي لاني مكملتش غير يمكن 3 ساعات نظرا لنفاذ البكلويز
ضيعت فيهم سمك كتير بس الحمد لله و اشتغلت بعد كدة سمكة بيسموها نقط بس غير النقط بتاع البحر الاحمر هي سمكة شبة القاروس بس أصغر شوية وبيبقى عليها نقط زرقاء كتير والقاروس كان بياكل البكلويز بشراهه بس محتاج سرعة وخفة يد لانها سمكة سريعة وذكية جدا
ثالث يوم مكنش في صيادين ام الخلول فكان الحصول على البكلويز صعب جدا فإصتدت بالجندوفلي الاسود بس مكلش كويس زي البكلويز خدت شوية نقط احجام صغيرة ووسط وفي النص كابوريا ماشاء الله حجمها كبيير
والوانها زاهية ومتعددة و شكلها جميل لكن للأسف مكنش فية إستطاعة اصورهم لانهم إتجمدوا اول ما روحت إستعدادل للعودة للقناطر الخيرية بلدي الجميلة
أترككم مع الصور
ودي صورة للحصيلة

صورة
صورة

على فكرة صيد القاروس واللوت ممتع جدا جدا لانها سمكة عفية وطعمها لذيذ جدا
ودي صورة للوتة و قاروسة لوحدهم علشان يبان الفرق

صورة
صورة

ودي صورة للبكلويز الطعم السوبر بطل رحلة الصيد

صورة
صورة

صور لمكان الصيد عند لسان جمصة .....نصيحة : إحذر الصخور فهي لاترحم

صورة
صورة
صورة

مكان تواجد البكلويز

صورة

بعض الصور التي أعجبتني في الطريق إلى اللسان بجمصة
مراكب صيد الشباك في راحة قبل الخروج ليوم جديد تصارع فية الامواج
صورة
صورة
صورة
صورة

منظر طبيعي جميل في رحلة العودة من جمصة

صورة

اسف على التطويل
بس بجد كانت رحلة في غاية الروعة
ــــــــــــــــــــــــــــــــــــــــــــــــــــــــــــــــــــــــــــــــــــــــــ
(وَهُوَ الَّذِي سَخَّرَ الْبَحْرَ لِتَأْكُلُواْ مِنْهُ لَحْمًا طَرِيًّا وَتَسْتَخْرِجُواْ مِنْهُ حِلْيَةً تَلْبَسُونَهَا وَتَرَى الْفُلْكَ مَوَاخِرَ فِيهِ وَلِتَبْتَغُواْ مِن فَضْلِهِ وَلَعَلَّكُمْ تَشْكُرُونَ) [النحل: 14]

zogmar
مشاركات: 1048
اشترك في: الأربعاء مايو 07, 2008 11:00 am
مكان: مصر
اتصال:

Re: قاروس و لوت جمصة متعة الصيد بالصور

مشاركةبواسطة zogmar » السبت أغسطس 01, 2009 12:40 pm

يا عم وليد
مشاء الله عليك استاذ فى النيل واستاذ فى المالح
بسم الله مشاء الله شويه سمك زى الفل الف هناء وشفاء
وشويه صور ميصورهاش الا فنان محترف
وان شاء الله الجاى احسن
محمد زجمار

صورة العضو الشخصية
the sniper2
مشاركات: 260
اشترك في: الخميس يوليو 30, 2009 10:39 pm

Re: قاروس و لوت جمصة متعة الصيد بالصور

مشاركةبواسطة the sniper2 » السبت أغسطس 01, 2009 2:32 pm

الله ينور شويه سمك في الجون انا بحب القاروص اوي :shock: ما شاء الله
اسلام علي ياسين (0123374434)

صورة العضو الشخصية
moustafa gabr
مشاركات: 344
اشترك في: الأحد سبتمبر 02, 2007 7:49 pm
مكان: egypt
اتصال:

Re: قاروس و لوت جمصة متعة الصيد بالصور

مشاركةبواسطة moustafa gabr » السبت أغسطس 01, 2009 2:41 pm

حمدا لله على السلامه يااستاذ وليد
انا معاك ان اسعار بلطيم مبالغ فيها الموسم ده يمكن لقصر مدة الموسم فلم يبقى سوى ثلاث اسابيع . بس بلطيم بها سكن لكافة المستويات منها العالى ومنها المتوسط بس فعلا الاسعار مبالغ فيها الموسم ده.
حمدا لله على السلامه واتمنى ان حضرتك تنورنا مره تانيه فى كفرالشيخ وانا اللى احجزلك ان شاء الله...
بس انت ماقولتش كنت بتصطاد بخيط كام وسن ايه وطول الوش كام ومجوز ولا مفرد يعنى كل التفاصيل لانى جربت على اللسان فى بلطيم وجربت بالجمبرى والبكلويز دى بس ولا الدموع.
حمدا لله على السلامه
آخر تعديل بواسطة moustafa gabr في السبت أغسطس 01, 2009 2:47 pm، تم التعديل مرة واحدة.

السويسى البحار
مشاركات: 197
اشترك في: الأحد مايو 25, 2008 12:12 pm

Re: قاروس و لوت جمصة متعة الصيد بالصور

مشاركةبواسطة السويسى البحار » السبت أغسطس 01, 2009 2:44 pm

ما شاء الله لا قوة الا بالله
بألف هنا وشفا :mrgreen: :mrgreen: :mrgreen: ويا رب اوعدنا :roll: :roll: :roll:
اديها زفارة تديك حفارة

صورة العضو الشخصية
غطاس
مشاركات: 1403
اشترك في: السبت يناير 05, 2008 12:20 pm
مكان: الاسماعيليه
اتصال:

Re: قاروس و لوت جمصة متعة الصيد بالصور

مشاركةبواسطة غطاس » السبت أغسطس 01, 2009 2:54 pm

ما شاء الله عليك يا استاذ وليد
والف سلامه عليك
القاروص والدنيس ملك المالح
واللوت بعد منهم على طول
وسمك البحر المتوسط اطعم بكتير من سمك البحر الاحمر
وشوية سمك صحيح ربا صدفه خير من الف ميعاد
والقاروص والنقط واللوت كان دواه الشافى الدود الابيض
ما كانشى ها يخيب رميه
يلا ان شاء الله المره اللى جايه تكون افضل
والف حمد لله على السلامه مره اخرى
فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ

أخوكم : غطاس 1090689400

صورة العضو الشخصية
MOSTAFA NAGY
مشاركات: 2435
اشترك في: الأحد سبتمبر 21, 2008 1:51 am
مكان: الاسكندرية

Re: قاروس و لوت جمصة متعة الصيد بالصور

مشاركةبواسطة MOSTAFA NAGY » السبت أغسطس 01, 2009 4:44 pm

الله ينور ويبارك في الرزق وده يعلمك ان العده تكون معاك كامله دايما لو كان معاك معلقه اوريشه قاروص كان الكلام اتغير خالص ويا سلام لو اشتغلت علي النقط بسبحه الحرير كنت حتروح بكيلوات ياريس واحد يسالني ايه سبحة الحرير عبارة عن سيحه سنانير 8 بساق طويل وتربط علي الساق مع السنارة خصله حرير زي خصله الشعر وزي شرابه السبحة العادية والرصاصة خفيفة تحت وترمي وتجري حتلاقي النقط معاك علي طول والمره الجايه جرب وقولي
عفوا عزيزي الصياد نحن نصتاد اي شيء له زعانف وذيل ما عدا الغواصات

Ayman A. Latif
مشاركات: 371
اشترك في: السبت يناير 19, 2008 11:38 pm
مكان: Cairo

Re: قاروس و لوت جمصة متعة الصيد بالصور

مشاركةبواسطة Ayman A. Latif » السبت أغسطس 01, 2009 6:45 pm

الف سلامة عليك يا أستاذ وليد...
مقاتل فعلاً فى سبيل الإدمان :shock: و شوية سمك بسم الله ماشاء الله ....
حقيقى اول مرة أعرف إن القاروص و اللوت بياكلو بكلويز..
انا اللى اعرفه إنهم بياكلو جمبرى حى و تعابين سمك صغيرة....
ياريت بقى تفاصيل السن و الرمال و الذى منه..
و الف حمداً لله على سلامتك...



غطاس كتب:ما شاء الله عليك يا استاذ وليد
والف سلامه عليك
القاروص والدنيس ملك المالح
واللوت بعد منهم على طول
وسمك البحر المتوسط اطعم بكتير من سمك البحر الاحمر
وشوية سمك صحيح ربا صدفه خير من الف ميعاد
والقاروص والنقط واللوت كان دواه الشافى الدود الابيض
ما كانشى ها يخيب رميه
يلا ان شاء الله المره اللى جايه تكون افضل
والف حمد لله على السلامه مره اخرى


ملك الغطاسيــــــــــــــــــــــيييين يا جامد إنت....أيه الدود الابيض ده؟؟؟؟!!!!
عندك منه ده فى الإسماعيلية؟؟؟!!! ياريت صورته و أسمائه الدارجة كلها و مصادره وتكلفة عمل مزرعه له و سعر الطن بالمرة :mrgreen: :mrgreen: كل حاجة بقى يا بوب.... :D
باقولك إيه النقط و الدنيس بياكلو دود أرض بهبل برضه... إبقى جرب و قول لى...
:D :D :D

صورة



اخوكم أيمن عبد اللطيف
اللهم اغفر لى و لوالدى و للمؤمنين يوم يقوم الحساب.
-----------------------------------------------------------------
مات الأديب الأدباتي
ومين سيحكي الحكايات
لعيالي في الزمن الآتي
بكل صدق لناس صادقين
من زجل الدكتور أبو حميد

صورة العضو الشخصية
emad abo alenin
مشاركات: 134
اشترك في: الاثنين يوليو 27, 2009 4:46 pm
مكان: Nasr city

Re: قاروس و لوت جمصة متعة الصيد بالصور

مشاركةبواسطة emad abo alenin » السبت أغسطس 01, 2009 7:25 pm

الف سلامة عليك يا أستاذ وليد...
أيه الدود الابيض ده؟؟؟
والف حمد لله على السلامه مرة اخرى
ابوايه
سبحان الله وبحمده سبحان الله العظيم
[صورة

لا إله إلا أنت سبحانك إني كنت من الظالمين

عماد ابو العنين

صورة العضو الشخصية
غطاس
مشاركات: 1403
اشترك في: السبت يناير 05, 2008 12:20 pm
مكان: الاسماعيليه
اتصال:

Re: قاروس و لوت جمصة متعة الصيد بالصور

مشاركةبواسطة غطاس » السبت أغسطس 01, 2009 8:35 pm

Ayman A. Latif كتب:
ملك الغطاسيــــــــــــــــــــــيييين يا جامد إنت....أيه الدود الابيض ده؟؟؟؟!!!!
عندك منه ده فى الإسماعيلية؟؟؟!!! ياريت صورته و أسمائه الدارجة كلها و مصادره وتكلفة عمل مزرعه له و سعر الطن بالمرة :mrgreen: :mrgreen: كل حاجة بقى يا بوب.... :D
باقولك إيه النقط و الدنيس بياكلو دود أرض بهبل برضه... إبقى جرب و قول لى...
:D :D :D


اخى وحبيبى الغالى ايمن عبد اللطيف
كيف حالك وحال الاسره الكريمه ارجو ان تكونو بخير ان شاء الله

معقول مش عارف الدود الابيض
انا كنت عايز اعمل موضوع مخصوص عن انواع الدود بالصور بس لسه ما كملشى بس ممكن اديلك تصبيره كده واهو بردو يمكن الاخوه الكرام يستفيدوا بردو وذلك طبعا بعد اذن الباشمهندس / وليد - صاحب الموضوع

الدود الابيض نوع مشهور جداً بالاسماعيليه اكتر من الدود القراص او العضاض لأنه هو الاصل قبل ما يعرف القراص او المشرشر كما يقولوا
بس عيبه روحه قصيره يوم بالعافيه مهما تعمل
بس دوده صياده ميه ميه اكتر من اى دود تانى
ويباع فى الميه (ما ينفعشى يتحط فى خيش) فى كيس
والطلب منه بجنيه وربع فى الاسماعيليه
ويتم تسفير كميات منه الى بورسعيد والعريش ودمياط على حد علمى
DSC_0000144.jpg

DSC_0000146.jpg

DSC_0000147.jpg

DSC_0000149.jpg


وأى خدمه يا عم انت بس تأمر
بالنسبه للعلق معتقدشى ان العلق ينفع تصطاد بيه فى المالح


Image (1816).JPG


Image (1817).JPG

ليس لديك الصلاحية لمشاهدة المرفقات
فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ

أخوكم : غطاس 1090689400

Ayman A. Latif
مشاركات: 371
اشترك في: السبت يناير 19, 2008 11:38 pm
مكان: Cairo

Re: قاروس و لوت جمصة متعة الصيد بالصور

مشاركةبواسطة Ayman A. Latif » السبت أغسطس 01, 2009 9:22 pm

غطاس كتب:
Ayman A. Latif كتب:


اخى وحبيبى الغالى ايمن عبد اللطيف
كيف حالك وحال الاسره الكريمه ارجو ان تكونو بخير ان شاء الله.......... بخير و فضل من المولى الكريم و الف شكر ليك يا غالى

معقول مش عارف الدود الابيض ......... الكدب خيبة يا غطاس يا خويا..انا مرة إصطدت حوت بدود إسماعلاوى إنما الابيض ده ماشوفتوووش قبل كده :mrgreen: [/u]

انا كنت عايز اعمل موضوع مخصوص عن انواع الدود بالصور بس لسه ما كملشى بس ممكن اديلك تصبيره كده واهو بردو يمكن الاخوه الكرام يستفيدوا بردو وذلك طبعا بعد اذن الباشمهندس / وليد - صاحب الموضوع....... [u]أيوة كده صبرنى يامعلم :lol: :lol:


الدود الابيض نوع مشهور جداً بالاسماعيليه اكتر من الدود القراص او العضاض لأنه هو الاصل قبل ما يعرف القراص او المشرشر كما يقولوا
بس عيبه روحه قصيره يوم بالعافيه مهما تعمل...... ما يتصبرش فى عياشة او موتور هواء؟؟


بس دوده صياده ميه ميه اكتر من اى دود تانى........ كيف يتم تعليقه فى السن؟؟ و لو برمى على لاج بجلب، ينفع نشكه من نصفه ولا إيه النظام؟؟




DSC_0000144.jpg

DSC_0000146.jpg

DSC_0000147.jpg

DSC_0000149.jpg


وأى خدمه يا عم انت بس تأمر ......... الامر لله يا جميل... هى لوته صياديه مش اكتر ولا أقل :mrgreen: :mrgreen: :mrgreen:
بالنسبه للعلق معتقدشى ان العلق ينفع تصطاد بيه فى المالح........ جرب إنت بس و إدعييييييييييلى :wink: :wink:

وتسلم يا غالى..


Image (1816).JPG


Image (1817).JPG

صورة



اخوكم أيمن عبد اللطيف
اللهم اغفر لى و لوالدى و للمؤمنين يوم يقوم الحساب.
-----------------------------------------------------------------
مات الأديب الأدباتي
ومين سيحكي الحكايات
لعيالي في الزمن الآتي
بكل صدق لناس صادقين
من زجل الدكتور أبو حميد

صورة العضو الشخصية
amirsoudy
مشاركات: 279
اشترك في: الأربعاء ديسمبر 17, 2008 5:42 am
مكان: المريوطية-الهرم-الجيزة
اتصال:

Re: قاروس و لوت جمصة متعة الصيد بالصور

مشاركةبواسطة amirsoudy » السبت أغسطس 01, 2009 11:29 pm

السلام عليكم ورحمة الله...
حمداً لله على سلامتك
طبعاً الموضوع محروق بالنسبة لي عشان أنا وأنت حبايب وأنت أكرمتني بكل صورك الجميلة دي... ربنا يمتعك كمان وكمان
أبو أُبيّ أمير إبراهيم سعودي
amirsoudy@hotmail.com
or yahoo.com
or gmail.com
http://www.amirsoudy.tk
amirsoudy on skype

اللهم ولِ علينا من يخافك ويرحمنا ويُحكِّم فينا كتابك

صورة العضو الشخصية
alialbana
مراقب منتدى
مشاركات: 5631
اشترك في: الاثنين فبراير 12, 2007 9:05 am
مكان: جدة

Re: قاروس و لوت جمصة متعة الصيد بالصور

مشاركةبواسطة alialbana » الأحد أغسطس 02, 2009 5:55 am

يالذيذ يارايق ...هو ده الشغل ياوليد ...شوية صور حلوة خالص .... تعيش :wink:
( اللهم إني أعوذ بك من شرورهم ، وأدرأ بك في نحورهم ، وأستعين بك عليهم ،فا كفينهم كيف شئت وأنى شئت ، بحول منك وقوة يا أرحم الراحمين .)


http://www.facebook.com/groups/300976676612845/

صورة العضو الشخصية
حسام الصياد
مراقب منتدى
مشاركات: 3696
اشترك في: الأربعاء مايو 30, 2007 2:26 pm
مكان: الإسكندرية
اتصال:

Re: قاروس و لوت جمصة متعة الصيد بالصور

مشاركةبواسطة حسام الصياد » الأحد أغسطس 02, 2009 6:35 am

waleedmoawad,
الف حمدلله على السلامة وأجازة سعيدة بإذن الله ........بسم الله ماشاء الله على اللوت اللذيذ وخصوصا لما بيتكبس في الملح ....وعلى الفرن عدل ..طعمة ...رررررررررررررررروعة ...........
من كان رزقة على الله فلا يحزن
أبو مريم وسارة ( الإسكندرية )


صورةصورة

...................................................... (شعار على ماتفرج تصميم وإهداء من علي البنا )

ابو كريم
مشاركات: 2077
اشترك في: الثلاثاء سبتمبر 04, 2007 9:44 pm
مكان: القاهرة( حدائق المعادى)
اتصال:

Re: قاروس و لوت جمصة متعة الصيد بالصور

مشاركةبواسطة ابو كريم » الأحد أغسطس 02, 2009 9:15 am

الله عليك يا حاج وليد وعلى شوية السمك الحلوين دول
وان شاء الله تكون قضيت فترة جميلة هناك
جمصة بلد جميلة جدا جدا وانا عن نفسى روحت هناك كتير جدا
وكان المكان المفضل لى من عند اللسان اللى هناك
بس كان لصيد البلطى كانت آيام حلوة
وحمد لله على السلامة يا ريس
للدخول على رابط المواضيع النشطة
رابط المواضيع النشطة :arrow: :arrow: :arrow:
===========================
أخوكم الصغير \ سعيد


العودة إلى “صيد - البحر الأبيض المتوسط”

الموجودون الآن

المستخدمون الذين يتصفحون المنتدى الآن: لا يوجد أعضاء مسجلين متصلين و 3 زوار